قصيدة عن الصـــــداقة للشاعر مظفر النواب

مو كلمن فتحلك باب يهواك ....ولا كل من يكرهك بابه ينسد.أكو مسدود بابه وكًلبه مفتوح ..... وأكو مفتوح بابه وكًلبه أسود ...
إذا طشيت صحبانك على الماي .... أثكًلهم وفه الجواك يركد..
واخففهم يظل طافح على الراق ...يروح ويه الجزر ويرجّعه المد ...
وأذا محتار سافر تعرف الناس ...منو يزت القطار ويوقف أزيد...
أكو تشده بحبل ويقطعه ويروح .....وأكو بكلمة شرف عالسكه ينشد ...
وأكو بمشية قطارك عينه تحتار ...وبآخر اللحظة وياك يصعد..وأكو يشيل المحطة ويه القطارات...ويدقكًهه على قلبه وصدره ينشد ..
فرق بين اليعبدك بالمحطات..و بين اللّي بنالك كًلبه معبد....ومو كل من ضحكلك منه ترتاح ..تره ناب الضبع بكل ضحكه ينحد ..ولا تحقد على كل من يبجّيك ...أذا دمعك طفح صدقني تبرد..
البشر دلة ويفور بداخلها ألضيم ...إذا يطفح دمع نيرانه تخمد..
ولا تحقد على الصعدو بلا جناح ...معروف الصقر لو جنحه ينشد
ومو كل من نزل يتسمى مذلول ... ولا كل من صعد يتسمى أمجد ..
أكو صاعد رغم ما هوّه عل كًاع ...وأكو نازل ولو للقمة يصعد ...
راسك من تصد أعلى من الايدين ...بس من السهل تتناوشه اليد...
أذا عندك جبل خلهم يصعدون ....فرق بين الصعد والراد يصعد ..
أكو يهدّ الجبل لو هدّ الجفوف ....وأكو يهده الجبل لو جفه ينهد....
وعلى المبرد كفر تنغر السيوف ... لأن سيف على سيف بكًلبه ينحد ...
وأذا عنهم رحل كلهم يخسرون ... شنو نفع السيوف بلايه مبرد...
أذا تعزف لحن ويذمك أنسان .... لا تقطع كمانك صعبه ينشد
مرات اللحن مايطرب الناس ...ومرات البشر أذاناته تنسد...
ومرات اللحن تطربله طرشان ...بس طبع اللي يسمعك زور يشهد
على البلبل يكًلك منكر الصوت ...وأذا ينهق حماره يصيح غرّد...
أذا حجيك حِكم وتخاطب الناس ...كل راس على كًده وياك ينشد ..
لأن روس البشر عكس الفراغات ...كل ما تنترس تستوعب أزيد ..وإذا تحجي ويرد صوتك كما كان ... يعني اليسمعك فارغ مجرد
صوتك ما يرده الراسه متروس ...لأن بس بالفراغ الصوت يرتد
وإذا ضيمك كبر لاتحجب العين ...وتشوف الدنيه كلهه بلون أسود.
منو بهذا الوكت ما غيّره الضيم ....حتى ابيوم الأحد ماكو أحد ...
لكن لا تضل تحسب توابيت ...أنا كًبلك عليّ صب أسوَد العد ...
إرفعت راسي اووكفت أحسب بالاعراس ..وعلى خشم السواد الأبيض إمتدولو غثني الطفل من شفته بالعيد ...يشل بجروح ثوبه ودمعه عل الخد
بس آني إفرحت لن جنة الاطفال ..ومسح كل الدموع وراح عيًد ...علمّنه الطفل يصبر على الضيم ...وطلع منا الطفل أيمانه أزيد...
أريد أطرح قضيه وأنتم إسلام ....وأريد أسأل جمعكم وأطلب الرد ..بنيتو شكد معابد كلهه على الأرض ....منو البيكم بناله بقلبه معبد !؟ما كولن كفر لو قلة إيمان ...لكن مهزله وما إلهه أحد .....
الملاهي للثلاثه مفتحه بالليل ...وبالعشره الجوامع كلهه تنسد..
وبالعشره الجوامع كلهه تنسوما يرحل كذب خاف يعمون ... ويضل السيف بقصبة ينصد...

د

محمد العيسى

من قصص الوفاء

وفاء زوج ‏​‏​تزوج رجل من امرأة جميلة جداً وأحبها حباً كثيرا. ومر زمن انتشر فيها مرض يسبب الدمامل في البشرة ويشوه المريض تشويها كبيرا. علمت الزوجة إنها مصابة به وستفقد جمالها.. لكن زوجها كان خارج البيت لم يعلم بعدْ بمرضها .. وفي طريقه للعودة أُصيب بحادث أدى لفقد بصره وأصبح أعمى .. وأكمل الزوجان حياتهما الزوجية يوما بعد يوم الزوجة تفقد جمالها وتتشوه أكثر وأكثر , والزوج أعمى لايعلم بالتشوه الذي أفقدها جمالها بل تحول من جمال الى قبح .. اكملو حياتهم الزوجية 20 عاما بنفس درجة الحب والوئام إلى أن .. جاء يوم و توفيت فيه الزوجة .. فحزن الزوج حزنا شديدا عليها.. وحينما انتهى الدفن .. عاد جميع الرجال الى منازلهم .. و هم الزوج بالخروج من المقبرة وحده .. فناداه رجل .. الى أين أنت ذاهب ؟ أجاب : الى بيتي !! فرد الرجل بحزن على حاله : وكيف ستذهب لوحدك فأجاب الزوج : لست بأعمى !! علمت بمرضها قبل عودتي الى البيت . . فأصطنعت خبر الحادث و تظاهرت بالعمى حتى لا أجرح مشاعر زوجتي رحمها الله .. { وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}